Edhe një sasi heroine është konfiskuar në pjesën veriore të qytetit, kanë njoftuar burimet e policisë në Mitrovicë. Zëdhënsi i policisë, Larry Miller, ka njoftuar se policët nga skuadra rajonale e hetuesisë së narkotikëve ka bërë një kontrollim në një banesë në pjesën veriore dhe me atë rast ka gjetur dhe konfiskuar  55 gram të një substance të narkotikëve, që dyshohet të jetë heroinë.Policia është duke e hetuar rastin.

Zëdhënësi Miller, ka bërë të ditur se pronari i dyqanit “Trepça- Sport”, ka raportuar në polici se i është thyer dyqani gjatë natës dhe se i janë vjedhur një kompjuter dhe dy resiverë në vlerë të përgjithshme prej 1190 euro. Miller ka thënë se nuk ka asnjë të dyshuar tani për tani dhe se rasti mbetet nën hetime. Gjithnjë sipas zëdhënësit Miller, edhe në pjesën veriore të qytetit kanë ndodhur një sërë vjedhjesh, të cilat është duke i hetuar policia. (ZMP)