Kryetari i Kuvendit të Komunës, z. Faruk Spahija, ua ka urua të gjitha femrave të komunës 8 Marsin – Ditën Ndërkombëtare të Gruas. Në urimin e kryetarit Spahija thuhet: 

Me rastin e 8 Marsit- Ditës Ndërkombëtare të Gruas, kam nderin që në emrin tim personal dhe  në emër të bashkëpunëtorëve të mi, të gjitha femrat e komunës t’i përgëzojë dhe të ju dëshirojë jetë të gjatë e të lumtur familjare.

Kontributi i femrës kosovare, pra edhe i asaj të komunës sonë në çuarjen përpara të proceseve demokratike të vendit në periodën e pasluftës është i madh. Mu për këtë, por edhe për angazhimet tjera të suksesshme të saj, ne meshkujtë e Kosovës sot kemi më shumë se kurrë konsideratë ndaj femrës.

Duke ua uruar  edhe një herë 8 Marsin-Ditën Ndërkombëtare të Gruas, të gjitha femrave të komunës ju dëshirojë punë të suksesshme në profesionin e tyre dhe realizimin e  aspiratave të tyre, thuhet në urimin e kryetarit të Kuvendit të Komunës, z. Faruk Spahija. (ZMP)