Bordi i Drejtorëve në mbledhejen e kryesuar nga kryeshefi i Ekzekutivit, Mustafë Pllana, ka shqyrtuar gjendjen në organet e administratës komunale, përkatësisht gatishmërinë e realizimit të detyrave, obligimeve dhe përgjegjësive në rast të paraqitjes të zhvillimeve eventuale të padëshiruara, për shkak të dorëheqëjes dhe dorëzimit vullnetar në Gjykatën e Hagës të kryeministrit Ramush Haradinaj.

Anëtarët e Bordit të Drejtorëve, pasi që kanë përshëndetur qëndrimin e urtë të kryeministrit Haradinaj dhe qëndrimet e institucioneve qendrore të vendit lidhur me këtë, duke qenë njëkohësisht të bindur plotësisht në pafajsinë e tij dhe duke kërkuar mbrojtjen institucionale për te, kanë vlerësuar se organet e administratës komunale kanë potencial të mjaftueshëm dhe profesional të resurseve humane dhe janë në gjendje të lartë gatishmërie për përmbushjen e detyrave që kërkohen prej tyre në çdo moment.

Megjithëkëte, Bordi i Drejtorëve ka vlerësuar se është i nevojshëm një mobilizim i udhëhqësve të  drejtorive të administratës komunale për t’u dalur në ndihmë qytatërëve dhe për të mbrojtur pasurinë dhe pronën e komunës, në çfarëdo situatash që paraqiten.

Në veçanti është konstatuar se është i domosdoshëm angazhimi dhe mobilizimi maksimal i drejtuesve të Drejtorisë për Arsim, Drejtorisë për Kulturë, Rini e Sport, Drejtorisë për Shëndetësi e Mirëqenje Sociale dhe Drejtorisë për Mbrojtje Civile dhe Gatishmëri Emergjente, në mënyrë që të kenë kontakte të përhershme me udhëheqëjet e institucioneve që i mbikëqyrin, me qëllim  që nga ata dhe punonjësit e tyre të kërkojnë syçeltësi maksimale për ta mbajtur situatën stabile. (ZMP)