Përfaqësuesit e fshatit Suhadoll kanë njoftuar kryetarin e Kuvendit të Komunës, Faruk Spahija, se të mërkurën, më 30.03.2005, rreth orës 14:00, rreth 50 serbë të lagjës “Kroi i Vitakut”, kanë shkaktuar incident, duke provokuar rëndë banorët e Suhadollit, por që fal gjakëftohtësisë dhe syqeltësisë së vet banorëve të fshatit, incidenti nuk ka eskaluar.

Sipas përfaqësuesit të fshatit, Shefki Ymeri, serbët fillimisht ua kishin vënë zjarrin barishteve në pronat e shqiptarëve dhe në momentin kur pesë të rinjë të fshatit kanë dalur për të shiquar se çka po ndodh, ata janë sulmuar dhe ndjekur nga ekstremistët serbë deri tek shtëpia e Ylli Salihut. Provokimet e ekstremistëve serbë nuk janë ndalur vetëm me kaq por ata kanë gjujatur me gurë në shtëpinë e Yllit, kanë përdorë fjalë ofenduese kundër shqiptarëve, si dhe i kanë kërcënuar se poqese dalin jashtë shtëpive do të pësojnë.

Pas kësaj, në drejtim të serbëve janë nisur edhe rreth 15 shqiptarë të fshatit Suhadoll, por fatbardhësisht, falë gjakftohtësisë dhe syqeltësisë së tyre, nuk ka ardhur deri te incidenti, i cili ka mundr të ketë pasoja të rënda për të dyja palët.

Në vendin e ngjarjes në ndërkohë kanë dalur  pjestarët e KFOR-it dhe SHPK-së, të cilët kanë arritur që ta shpërndajnë turmën.

Përfaqësuesi i fshatit Suhadoll Shefki Ymeri, ka njoftuar se në krye të serbëve që kanë shkaktuar incidentin, kanë qenë edhe dy pjestarë serbë të SHPK-së, me uniforma, si dhe një tjetër pa uniformë emrat e të cilëve janë të njohur për banorët e fshatit. Ymeri, ka kërkuar nga kryetari i Kuvendit të Komunës, Faruk Sphija, që të kërkojë nga eprorët e SHPK-së që të fillojnë procedurën për identifikimin e policëve serbë të SHPK-së, me qëllim që ndaj tyre të ndërmirren masa ligjore.

Kryetari i Kuvendit të Komunës, Faruk Spahija, incidentin e shkaktuar nga ekstremistët serbë dhe ka kërkuar nga shqiptarët që të tregohen të matur në veprimet e tyre, në mënyrë që mos të bien pre e provokimeve të ekstremistëve dhe që të angazhohen maksimalisht për ruajtjen e gjendjës stabile të situtës së sigurisë.

Gjatë ditës, kryetari Spahija, ka biseduar me përgjegjësit e SHPK-së në Mitrovicë dhe ka kërkuar nga ata që të ndërmarrin masa efikase për ndriçimin e rastit dhe për parandalimin e incidenteve të këtilla dhe të çfarëdo natyre tjetër qofshin, që do të ndikonin në prishjen e rendit dhe qetësisë publike, si dhe në destabilizimin e situatës së gjithëmbarshme politike e të sigurisë.

Poashtu, kryetari Spahija, ka kërkuar nga eprorët e SHPK-së që, poqëse konstatohet pjesëmarrja e policëve serbë të SHPK-së në incident, ndaj tyre të ndërmirren masa të menjëhershme diciplinore dhe të tjera.

Kryetari i Kuvendit të Komunës, Faruk Spahija, lidhur me këtë incident do të bisedojë edhe me përfaqësuesit e BSHVL-së.

Banorët e fshatit Suhadoll kanë caktuar një tubim për të enjtën në orën 18:00, në të cilin do të marrin pjesë edhe përfaqësuesit e komunës, KFOR-it, policisë së UNMIK-ut dhe SHPK-së, në të cilin do të shqyrtohet gjendja e sigurisë dhe do të përcaktohen masat për t’iu kundërvënë provokimeve të tjera eventuale të ekstremistëve serbë. (ZMP)