Gjatë shtatë ditëve të kaluara, përkatësisht nga 23 deri më 30 mars të këtij viti, policia në rajonin e Mitrovicës ka shënuar 80 raste të ndryshme të krimit, ka njoftuar Zyra për Informim e policisë në Mitrovicë.

Zëdhënësi i SHPK-së për rajonin e Mitrovicës, Sami Mehmeti, ka bërë të ditur se statistika javore e krimeve tregon se përpos krimeve të rënda, siç janë tentim vjedhjet, trafikimi i drogës dhe armëmbajtja pa leje, krimet kundër pronës tregojnë nivel të njetjtë të krimit, krahasuar me raportin e një jave më parë.

Nga gjithsejtë 80 rastet e krimit, të evidnetuara gjatë javës së kaluar, 15 raste kanë qenë vjedhje, gjashtë vjedshje të rënda, pesë raste të kërcnimit të personave, katër raste të sulmit, katër raste të armëmbajtjes pa leje, katër raste të dëmtimit të pronës, tri raste të pengimit të zbatimit të drejtësisë, tri raste të prishjes së rendit dhe të qetësisë publike, tri zjarrvënje, tri raste të falsifikimit të parave etj.

“Detyrës së rëndë të parandalimit të krimit nuk mund t’i dilet në krye vetëm nga policia. Është përgjegjësi e secilës bashkësi që të kujdeset që rinia jonë të mos ketë motive për kryerjen e krimeve. Ndihma e shoqërisë është shumë e rëndësishme në parandalimin e krimit”, ka thënë zëdhënsi i SHPK_së për rajonin e Mitrovicës, Sami Mehmeti. (ZMP)