Të mërkurën , më 22 dhjetor 2004, përfaqësuesi i Ombudspersonit për Kosovën, Hilmi Jashari, do të bëjë një vizitë njëditore pune në Mitrovicë, për të mbajtur të ashtuquajturën “ditë të hapur”.

Përfaqësuesi i Ombudspersonit, Hilmi Jashari, në agjendën e tij, ka paraparë që prej orës 10, 00 e deri në orën 17,00 të takohet me qytetarët e komunës së Mitrovicës, për ti dëgjuar problemet eventuale që ata kanë dhe për të cilat mendojnë se u është bërë ndonjë shkelje e të drejtave dhe lirive te tyre.

Njoftojmë qytetarët e komunës se përfaqësuesi i Ombudspersonit, Hilmi Jashari, të interesuarit do t’i pranojë në lokalet e Kuvendit të Komunës. (ZIP)