Kryetari i Kuvendit të Komunës, Faruk Spahija, në emër të qytetarëve të komunës dhe në emrin e tij personal, ka përgëzuar minatorët dhe menaxherin e Minierës me Flotacion “Trepça” në Stan Tërg, me rastin e rifillimit të prodhimit.

Kryetari Spahija vlerëson se rifillimi i prodhimit në “Trepçë”, ka rëndësi historike, sepse është bërë në kushte dhe rrethana krejtësisht të tjera, në të cilat për fatin e mëtutjeshëm të këtij vigani të ekonomisë së vendit në të ardhmen dhe për të mirat që do të sjell prodhimi i rifilluar i xehes, do të vendosin sëbashku minatorët, udhëheqja e tyre dhe institucionet e Kosovës, pa pas dro se mundi dhe djersa e tyre do të keqpërdoren nga të tjerët, siç ishte në të kaluarën.

Përveq efekteve financiare që do të ketë, nga të cilat do të kenë dobi para së gjithash minatorët e familjet e tyre, por edhe Mitrovica dhe Kosova, kryetari Spahija konsideron se  fillimi i prodhimit në minierën “Trepça”, do të ndikojë pozitivisht edhe në zhvillimet tjera, veçanërisht në proceset integruese në komunë dhe vend.

Kryetari i Kuvendit të Komunës, Faruk Spahija, me këtë rast u shpreh mirënjohje minatorëve dhe eskpertëve të minierës që u angazhuan  për aftësimin e saj për prodhim të sirëshëm, duke treguar kështu profesionalizmin, përkushtimin dhe vendosmërinë e tyre, si dhe falenderon të gjithë të tjerët, e në veçanti Qeverinë e Kosvës, që kontribuan për fillimin e prodhimit në minierën e Stan Tërgut.

Duke ju dëshiruar punë të mbarë dhe fat, kryetari Spahija inkurajon minatorët dhe ekspeërtët e minierës, që të mos kursejnë mundin dhe djresën për të avancuar procesin e prodhimit në minierë, ngase me këtë do t’I kontribojnë zhvillimit ekonomik të komunës dhe vendit, por gjithsesi edhe integrimit më të shpejtë të qytetit të Mitrovicës dhe pavarësimit të Kosovës.