Kryeshefi i Ekzekutivit të Kuvendit të Komunës, dr Mustafë Pllana, me rastin e fillimit të vitit të ri shkollor, ka përgëzuar të gjithë nxënësit dhe arsimtarët e komunës dhe iu ka dëshiruar punë të mbarë e sukses në mësime.

Kryeshefi Pllana, në veçanti ka përgëzuar nxënësit që për herë të parë do t’i ndjekin mësimet në klasën e parë të shkollës fillore, të cilët kanë lindur në rrethana lufte, të cilëve u dëshiron rritje të shëndosh e të pabrenga në shoqërinë e re demokratike që po e ndërtojmë.

Me këtë rast, kryeshefi i Ekzekutivit të Kuvendit të Komunës, Mustafë Pllana, kërkon nga shoferët e automjeteve dhe nga policia që, duke i respektuar me përpikëri rregullat e komunikacionit, të përkujdesen maksimalisht për nxënësit dhe fëmijët tjerë, në mënyrë që në asnjë moment të mos rrezikohet jeta apo shëndeti i tyre.

Poashtu, kryeshefi Pllana kërkon edhe nga nga prindërit e arsimtarët e nxënësve, por edhe nga qytetarët e komunës që të kujdesen për ruajtjen e tyre nga rreziqet e ndryshme që paraqet për ta komunikacioni mjaftë i dendur.

Në fund, kryetari i Ekzekutivit të Kuvendit të Komunës, Mustafë Pllana, kërkon nga policia e SHPK-së që të ndërmarrë masa rigoroze ligjore ndaj të gjithë shoferëve që i shkellin rregullat e komunikacionit dhe në këtë mënyrë e rrezikojnë jetën dhe shëndetin e fëmijve. (ZMP)