Në prani të komandantit të KFOR-it, Guisepe Valoto, komandantit të TMK-së, gjeneralit Agim Çeku, komandantit të SHPK-së, kolonel Sheremt Ahmetit, kryetarit të Kuvendit të Komunës së Mitrovicës Mursel Ibrahimi dhe kryeshefit Sadri Ferati, të administratorit rajonal të Mitrovicës, Gerard Galluci, si dhe mysafirëve të tjerë, në kampin ushtarak “Belveder”, në fshatin Frashër të komunës së Mitrovicës, të premtën, është bërë ndërrimi i komandës Task Forcë Shumëkombëshe Veri.

“Kjo Task Forcë shembullore ka treguar bashkëpunim shumëkombësh të veçantë gjatë përmbushjes së misionit, duke kontribuar në mbajtjen e një ambienti të sigurtë”, është shperhur fillimishit komandanti i KFOR-it Guisepe Valoto duke folur në këtë ceremoni të nëdrrimit të komandës.

Numri një i KFOR-it, vlerësoi lartë punën e gjeneralit Stoltz, komandanti i TFSHKV, duke thënë se ai ka bërë një punë shembullore në misionin e tij, për të veqaur kështu operacionet e suksesshme siq janë “Wild Weasel”, “White Tip”, “Free Tiger” dhe “Thor’s Hammer”. “Këto operacione kanë qenë një motor për të ngritur politikën time në mbështetje të UNMIK-ut dhe të institucioneve të përkohshme të qeverisjes së Kosovës,  duke kontribuar kështu në suksesin e aksionit tim, me qëllim që të tregojmë se motoja në Kosovë, “së bashku mund t’ja arrijmë”, mund të bëjë ndryshimin”, tha ndër të tjera gjenerali Valoto.

Ndërkaq, komandanti i gjerëtanishëm i Task Forcës Shumëkombëshe Veri, Philipe Stoltz, ka thënë se misioni i tij ka qenë i orientuar për të marrë pjesë në mënyrë aktive për krijimin e sigurisë në zonën e përgjegjësisë dhe për ta mbajtur atë në nivel të lartë.

“Kjo është arritur falë bashkëpunimit të ngushtë me UNMIK-un, policinë e UNMIK-ut dhe SHPK-në, pastaj falë dialogut të sinqertë dhe të drejtë me autoritetet politike dhe administrative, si dhe me autoritetet vendore fetare. Sot, mund të konkludojë që situata e sigurisë ka qenë mjaftë e qetë gjatë këtyre mujave, e kjo do të thotë, se KFOR-i e ka përmbushur misionin e vet. Dëshiroj sinqerisht që të gjithë personat që jetojnë në këtë rajon të arrijnë të krijojnë kushte për një ardhmëri më paqësore, më demokratike dhe më të mirë në planin e ekonomisë, për vetë ata dhe për fëmijët e tyre, ndërkohë që liderët politik vendorë e kanë rolin e parë në këtë perspektiv”, u shpreh gjenerali Stoltz.

Duke e marrë detyrën e re si komandant i Task Forcës Shumëkombëshe Veri, gjenerali Jean Philipe Margueron, tha se ndjenjat e tij ndahen me kënaqësi, nderë dhe krenari. “Kënaqësi është se përsëri po i takoj ushtarët e brigadës time, por tash në shërbim të Task Forcës Shumëkombëshe Veri. Jam i nderuar sepse do të udhëheq përsëri ushtarët e kombeve aleate, kurse jam krenar dhe ballëlartë, se me këtë mision, do të më mundësohet që të punojë për paqe në një rajon me të vërtetë në zemër të Evropës”, tha Margueron. (ZMP)