Një mashkull i moshës rreth 50 vjeçare, është gjetur i vdekur në shtëpinë e tij në lagjen “Lumbardhi”, të pjesës verioe të qytetit, kanë njoftuar burime nga matanë Ibri.

Burimet thonë se bëhet për fjalë Sezair Hotin, i cili ishte i sëmurë nga diabeti  dhe ka pasur pengesa në të hecur, andaj edhe supozohet se ka vdekur natyrshëm. Njoftohet se i ndjeri është gjetur nga një fqinj, të shtunën në orët e mbrëmjes dhe se trupi i pajetë i tij është dërguar për ekspertizë mjeko-ligjore në morgun e Rahovecit.

Rastin e gjetjes së trupit të pajetë të Sezairit, e ka konfirmuar edhe policia në Prishtinë, në raportin e ngjarjeve të ditës së diel, që u është dërguar mediave.

Në raport thuhet se në vendin e ngjarjes kanë dalur ekipet e policisë të hetuesisë dhe të forensikës, duke mos u dhënë detaje të tjera. (ZMP)