KUVENDI I KOMUNËS SË MITROVICËS

Nr. 01 /13 dt. 13.04.2006

Mitrovicë

Në bazë të vendimit të Bordit të Drejtorëve Nr. 02/ 92 dt. 13.04.2006 Kuvendi i Komunës së Mitrovicës shpallë këtë:

                                            K O N K U R S

Për ndarjen e 18 bursave për studentë e rregullt të Komunës së Mitrovicës që studiojnë në këto  fakultete:

Fakulteti Filozofik 

Psikologji - një bursë

Shkenca Politike - një bursë

Etnologji - një bursë

Komunikim-Gazetari - një bursë   

Fakulteti i Shkencave Matematike-Natyrore

Matematikë - një bursë

Fakulteti i gjeodezisë – një bursë

Fakulteti i Ndërtimtarisë dhe Arkitekturës

Dega e ndërtimtarisë – drejtimi konstruktiv - një bursë

Dega e ndërtimtarisë – drejtimi hidroteknik - një bursë

Dega e arkitekturës – drejtimi i projektimeve - një bursë

Fakulteti i Inxhinierisë Elektrike dhe Kompjuterike

Kompjuterikë dhe komunikacion - një bursë

Fakulteti i Arteve

Dega e arteve dramatike - një bursë

Dega e arteve muzikore - një bursë

Fakulteti i Xehetarisë dhe Metalurgjisë

Dega e xehetarisë - një bursë

Dega e teknologjisë - një bursë

Fakulteti i Mjekësisë

Mjekësi e përgjithshme - një bursë

Dega e infermierisë – një bursë

Fakulteti i Shkencave të Aplikuara në Mitrovicë - një bursë

Fakulteti i Bujqësisë – një bursë

Studentët e fakulteteve sipas pikës 1 të këtij konkursi, që konkurrojnë për bursë duhet të plotësojnë këto kushte:

Të kenë të regjistruar vitin e dytë të studimeve e më lartë.

Të kenë notën mesatare gjatë studimeve jo më pak se 8.5.

Të mos kenë vit të përsëritur gjatë studimeve.

Të mos jenë përfitues të bursës universitare.

Përjashtimisht nga al. b e pikës 2 të këtij konkursi, studentët e Fakultetit të Ndërtimtarisë dhe Arkitekturës, Fakultetit të Inxhinierisë Elektrike dhe Kompjuterike, Fakultetit të Xehetarisë dhe metalurgjisë, si dhe studentët e Fakultetit të Shkencave Matematike-Natyrore – drejtimi i matematikës, mund të konkurrojnë me notë mesatare më të vogël, por jo më pak se 7.5.

Përparësi do të kenë kandidatët:

studentët të cilët kanë notë të lartë mesatare,

studentët e viteve të larta të studimeve,

studentët, anëtarë të familjeve të dëshmorëve dhe invalidëve të luftës, si dhe

studentët me gjendje të dobët ekonomike.

Bursat ndahen për vitin akademik 2005/2006 prej hyrjes në fuqi të vendimit të Bordit të Drejtorëve dhe lartësia e bursës do të jetë:

për studentë që studiojnë në Universitetin e Prishtinës 50 €,

për studentët që studiojnë në qendrat tjera universitare, në degët të cilat nuk ekzistojnë në Universitetin e Prishtinës lartësia e bursës të jetë 100 €.

Studentët që i plotësojnë kushtet duhet të paraqesin këto dokumente: 

Certifikatën e vitit të regjistruar akademik 2005/2006 duke cekur edhe notën mesatare gjatë studimeve dhe atë se nuk kanë përsëritur asnjë vit gjatë studimeve.

Dëshminë se nuk janë përfitues të bursës universitare.

Dëshmi që janë invalid të luftës apo anëtar të familjeve të dëshmorëve dhe invalidëve të luftës.

Certifikatën e gjendjes ekonomike.

Kandidatëve të cilëve iu ndahet bursa, për kriteret e shfrytëzimit do të nënshkruajnë kontratë të veçantë ku do të precizohen kushtet, obligimet dhe detyrat e dyanshme.

Konkursi mbetet i hapur 15 ditë nga dita e shpalljes në mjetet e informimit dhe njëkohësisht do të shpallet në tabelat e shpalljeve të Kuvendit të Komunës si dhe në Web-faqen e Komunës “mitrovica-komuna.org”.

Aplikacionet merren dhe të plotësuara dorëzohen në Zyrën Nr. 3 të Kuvendit të Komunës.