Është inauguruar në mënyrë solemne salla e renovuar e Kuvendit të Komunës, renovimi i së cilës është bërë me mjete nga të hyrat vetanake të Kuvendit të Komunës. Inaugurimin solemn e ka bërë kryetari i Kuvendit të Komunës, Mursel Ibrahimi, para se të fillojë mbledhja e jashtëzakonshme e Kuvendit të Komunës, në të cilën është shqyrtuar gjendja aktuale në komunë dhe projekti i Ekipit Negociator për zgjidhjen e problemit të Mitrovicës.

Renovimi i sallës, e cila tani ka një pamje të bukur dhe ofron kushte të mira për punë normale të anëtarëve të Kuvendit të Komunës, ka kushtuar 54 mijë euro, kurse punimet i ka kryer ashtu si duhet ndërmarrja ”Kastrioti” nga Mitrovica.

Sallës së renovuar, e cila ka 82 ulëse, i është shtuar edhe aneksi për përkthim simultan të diskutimeve që do të zhvillohen në gjuhë të ndryshme në mbledhjet e Kuvendit të Komunës. Pritet që së shpejti të arrijnë edhe pasijet për përkthim simultan që i ka siguruar Asociacioni i Komunave të Kosovës, përmes donacioneev nga jashtë. (ZMP)