Njësia Vepruese Shumëkombëshe Veri e KFOR-it, përmes një komunikate të lëshuar për media, ua ka tërhequr ashpër vërejtjen të gjithë qytetarëve që të mos hyjnë të paautorizuar në asnjë kamp të ushtarëve të KFOR-it, sepse e rrezikojnë seriozisht jetën e tyre.

Zëdhënësi i NJVSHV-së, togeri Damien Roubaud, ka njoftuar se në mbrëmjen e së martës, tre djemë të rinjë janë kapur nga KFOR-i në kampin e Batalionit Francez dhe i janë dorëzuar menjëherë SHPK-së.

“Ata persona janë ende gjallë duke iu falenderuar profesionalizmit të ushtarëve tonë. Sikurse në muajin shkurt, Njësia Vepruese Shumëkombëshe–Veri ia tërheq vërejten për herë të dytë popullatës, se secili që hyn në ndonjë kamp të KFOR-it pa autorizim e vënë jetën e tij seriozisht në rrezik. Sipas rezolutës 1244 të KB, hyrja në kazerma të KFOR-it është e rregulluar me rregulla strikte“, ka thënë togeri Roubaud. (ZMP)