Majori Miftar Kurti, zëdhënës i Zonës së IV-të Mbrojtëse të TMK-së, ka njoftuar se pjestarët e kësaj zone i kanë bërë të gjitha përgatitjet e nevojshme për fillimin edhe të një projekti humanitar.

“Është fjala për projektin për meremetimin e pendës në Lagjen “2Korriku”, që shtrihet përgjatë lumit Sitnicë në hyje të qytetit. Projekti në fjalë pritet të realizohet në bashkëpunim me NJVSHV të KFOR-it”, ka thënë majori Kurti.

Gjatë vërshimeve të mëdha që ndodhën gjatë muajit shkurt janë shkaktuar dëme materiale në disa lagje të Mitrovicës, por më së shumti kishte pësuar Lagja “2 Korriku”, ku kishte ardhur deri tek shpërthimi i pjesës mbrojtëse të pendës.

“Edhe atëherë Zona e IV-të Mbrojtëse u kishte dalë në ndihmë banorëve të kësaj lagje. Me qëllim që të mos përsëriten dëmet dhe që kjo lagje të jetë e mbrojtur nga vërshimet, do të realizohet projekti në fjalë. Janë marrë të gjitha masat e duhura që ky projekt humanitar të realizohet me sukses”, është shprehur majori Miftar Kurti. (ZMP)