Burimet e policisë në Mitrovicë kanë njoftuar për gjetjen e një trupi të pajetë në lumin Sitnica, afër stacionit të vjetër hekurudhor. Zëdhënësi i SHPK-së për rajonin e Mitrovicës, sami Mehmeti, ka thënë se një qytetar, deri sa ishte duke peshkuar në lumen Sitnica, afër fshatit Kqiq i Madh, ka vërejtur në lum një trup të pajetë, andaj edhe e ka raportuar rastin në polici.

“Menjëherë pas marrjes së informatës, në vend të ngjarjes kanë dalur njësitet përkatëse policore si dhe njësitet e zjarrfikësve. Pas përpjekjeve të shumta ekipet e zjarrfikësve arritën të nxjerrin trupin e pajetë nga lumi. Nuk dihet identiteti i viktimës. Trupi i pajetë është dërguar në Rahovec për autopsi”, ka thënë Mehmeti.

Njoftohet se në vendiin e ngjarjes ka dalur edhe prokurori i qarkut. Nga zyrtarët policoë dhe ata gjyqësor, nuk janë dhënë detaje të tjera lidhur me rastin.

Ndërkaq burime të tjera kanë thënë se bëhet fjalë për trupin e pajetë të një mashkulli, i cili supozohet se ka qëndruar në ujë rreth dhjetë ditë. (ZMP)