Zëvendëskryeministri i Kosovës, Lutfi Haziri, nuk e ka harruar miqësinë e sinqertë që ka pas me kryetarin e ndjerë të Kuvendit të Komunës së Mitrovicës, Faruk Spahija.

Pas takimit të mundimshëm që ka pas në orët e pasditës të së enjtës, me banorët e lagjeve veriore të Mitrovicës, zëvendëskryeministri Haziri, me bashkëpunëtorë, i shoqëruar nga kryetari i Kuvendit të Komunës së Mitrovicës, Mursel Ibrahimi dhe zëvendëskryetarja, Fatmire Berisha, ka qëndruar për pak çaste në familjen e kryetarit të ndjerë Faruk Spahija, për tu interesuare kështu për gjendjen e familjes së mikut të mirë e të sinçertë.

Zëvendëskryeministri Haziri, është interesuar për kushtet në të cilat është duke jetuar familja e të ndjerit kryetar Spahija. Ai dhe kryetari Ibrahimi, duke par se familja e Spahisë nuk i ka kushtet si duhet për një jetë normale e të pabrenga dhe për shkollimin e fëmijve, kanë premtuar se do të angazhohen për të gjetur mundësitë për të ndihmuar ate materialisht.

“Ndaj Farukut, jo vetëm unë, por shumë më tepër edhe mitrovicasit, kanë obligim, sepse ai ishte një njeri i madh, shumë i interesuar për të mirën e qytetarëve dhe të qytetit. Ishte një autoritet i pamohueshëm dhe shumë i çmuar në qarqet politike dhe intelektuale të Kosvës, por edhe më gjerë. Ishte njeri që rrezatonte mirësi, mençuri, humanizëm dhe ishte shumë i vendosur për integrimin e qytetit të tij, që shumë e donte”, tha ndër të tjera zëvendëskryeministri Lutfi Haziri.

Sadete Spahija, e shoqja e kryetari të ndjerë Faruk Spahija, tha se ndjehet mirë që shokët nuk e kanë harruar Farukun, andaj ka falendruar shumë Zëvendëskryeministrin Haziri dhe mysafirët tjerë, për vizitën e bërë dhe për interesimin e treguar për gjendjen e familjes, duke shtuar njëkohëshisht se kjo ia lehtëson dhembjen për mungesën e kryefamiljarit Faruk. (ZMP)