Shefki Imeri, përfaqësues i fshatit Suhodoll, ka njoftuar Kuvendin e Komunës së të dielen, rreth orësn17:00, në lagjen “7 Shtatori” afër pishinës së vjetër, një grup prej 13 personash kanë sulmuar fizikisht Arsim (Maliq) Sylejmanin, 29 vjeçar, në kohën kur ai ishte duke u kthyer në shtëpi.

Sipas Imerit, Arsimi nga ky sulm ka pësuar lëndime të rënda dhe fillimisht është dërguar në shtëpinë e shëndetit në Mitrovicë ku i është dhënë ndihma mjekësore e pastaj në spitalin e Prishtinës.

“Pasi është sulmuar, Arsimi për një kohë ka humbur vetëdijen dhe në momentin e këndelljes atypari kalon një veturë të cilën e gjuan me gurë dhe ia then xhamin. Edhepse policia e UNMIk-ut ishte në afërsi të vendit të ngjarjes, ata nuk kanë reaguar fare”, ka thënë Imeri.

Ai me këtë rast ka kërkuar nga mjetet e informimit që të jenë më korrekte me rastin e dhënies së informacioneve rreth ngjarjeve në veri të Mitrovicës. (ZMP)