Një mjet shpërthyes, i cili besohet të ketë qenë bombë dore, ka shpërthyer në afërsi të ndërtesës së Gjykatës Komunale në Zubin Potok, në orët e para të ditës së mërkurë, kanë bërë të ditur burimet e policisë në Mitrovicë. “Shpërthimi ka ndodhur tri deri në pesë metra larg nga ndërtesa e Gjykatës Komunale në Zubin Potok, dhe ka shkaktuar dëme materiale në katër vetura me ç’rast janë thyer dritaret e gjykatës si edhe të ndërtesave përballë, por nuk ka të lënduar”, ka thënë Larry Miller, zëdhënës i policisë së UNMIK-ut në Mitrovicë.

Sipas tij, oficerët e Skuadrës së Krimeve Rajonale si edhe njësia e Krim Teknikës kanë shkuar në vendin e ngjarjes për të hetuar rastin. (ZMP)