Në shkollën fillore “Mehë Uka” në fshatin Bajgorë, është mbajtur ushtrimi i improvizuar me Shoqatën Vullnetare të Zjarrfikësve në Mitrovicë, në të cilin ishin të angazhuar Drejtoria për Mbrojtje Civile dhe Gatishmëri Emergjente e Kuvnedit të Komunës së Mitrovicës së bashku me brigadën e zjarrfikësve, DME nga Prishtina, QTP nga Vushtrria dhe shoqata e zjarrfikësve vullnetar nga të gjitha komunitetet e Mitrovicës.

Poashtu në këtë ushtrim, prezent ishin edhe dy njohës të mirë të kësaj lëmie nga Qeveria Britanike, drejtorët e shkollave fillore dhe të mesme, si dhe banorët e Shalës së Bajgorës.

Me këtë rast është improvizuar një zjarr brenda në lokalet e shkollës dhe një zjarr fushor, ku pjesëmarrësit e ushtrimit, kanë marrë të gjitha masat e duhura për të fikur zjarrin dhe për të shpëtuar të lënduarit, në ndërkohë që në fikjen e zjarrit fushor në ndihmë kanë ardhur edhe fshatarët. (ZMP)