Ndërtesa e Kuvendit të Komunës, ka qenë e bllokuar të hënën prej orës 13,00 deri në ora 14,00, për shkak se një thirrje anonime në stacionin jugor të policisë ka njoftua, se kinse në këtë ndërtesë është vendos një mjet shpërthyes.

Policia ka dalur menjëherë në vendin e ngjarje, për të marrë masa të nevojshme sigurie, e cila me shirita të verdhë ka bllokuar ndërtesën përreth.

Më vonë, në vendin e ngjarjes ka arritur edhe Njësia dominuese e KFOR-it, e cila ka kontrolluar objektin e Kuvendit të Komunës dhe ka konstatuar se në te nuk ka kuurfarë mjeti shpërthyes, kështu që ndërtesa është debllokuar në ora 14,00.

Gjatë gjithë kësaj kohe në vendin e ngjarjes kanë qenë të pranishëm edhe kryetari i Kuvendit të Komunës, Mursel Ibrahimi dhe Kryeshefi i Ekzekutivit, Sadri Ferati. (ZMP)